【Emily】徐英偉稱牀蝨做「小朋友」 話港唔嚴重 酒店加強清潔
[2023.11.10] 發表
【明報專訊】牀蝨問題蔓延至港人旅遊熱點韓國，港府都喺機場加強宣傳，仲同酒店業開會避免牀蝨傳入本港。前民政事務局長、酒店業主聯會執行總幹事徐英偉噚日喺電台節目話，香港牀蝨情况唔算嚴重，業界亦會加強管理同清潔。講起牀蝨，徐英偉仲稱呼佢哋做「小朋友」，主持忍唔住問點解，佢解釋因為牀蝨細細隻，「通常我哋都係『好客』，個個都係朋友嚟嘅」。
徐話業界有同政府分享各地輸入情况，提及除咗整體歐洲同韓國，東南亞國家亦有較多個案。佢話酒店接待旅客有一定風險，本港過往有相關個案，但唔嚴重，𠵱家業界已加強房間清潔，若發現牀蝨會用杜蟲藥及高溫消毒牀單等方法處理，相信就算發生個別個案，都可以好快杜絕。
徐英偉建議政府保持同海外衛生部門聯繫，確認爆發牀蝨危機嘅地區，並同高鐵、郵輪及航空公司等合作從源頭堵截，一旦發現爆發就及早通知市民。
更多港聞
【Emily】港人韭菜贈英王 盼關注「被割」族群
【明報專訊】過往唔少港人示威時，都會製作各種示威道具。去咗英國開設歐羅有機農場分部嘅港人黃如榮，噚日趁英王查理斯三世去倫敦西南部New Ma... 詳情
教協分產 會員各獲3190元 完成程序將申解散
【明報專訊】香港教育專業人員協會（教協）2021年9月通過啟動解散程序，經過逾兩年時間變賣資產及核數，現有3億元資產，教協按照會章「均分餘款... 詳情
【明報專訊】教育局昨呼籲全港學校本月內開展「多關懷．添幸福」活動，建議學校認真審視學生功課量、測考評估安排及小息午膳時間，確保學生有足夠的作...
詳情
【明報專訊】一名本地設計中心前女經理委聘兩間供應商為5個政府資助項目提供服務時，隱瞞丈夫在供應商的財務利益。她否認4項欺詐及1項企圖欺詐罪，...
詳情
相關新聞
