【Emily】11?12殘疾者同行照顧者免費搭港鐵
[2023.11.07] 發表
【明報專訊】為響應今年11月12日(周日)「國際復康日『殘疾人士免費乘搭車船日』」，港鐵會為殘疾人士同隨行嘅一名照顧者提供免費乘搭優惠。當日持有效嘅「殘疾人士登記證」或註有「殘疾人士身分」八達通嘅乘客同一名照顧者乘搭港鐵、輕鐵或港鐵巴士，八達通唔會被扣款。如果要以車票入閘，就可以去各港鐵站或機場快線站嘅客務中心、資訊站或聯絡車站職員，索取當日有效單程車票，隨行照顧者亦可獲得一樣嘅免費單程票。
另外，港鐵宣布會提升「關愛共乘」手機應用程式功能， 方便乘客查閱所有重鐵車站內無障礙設施及升降機實時運作嘅情况。港鐵常務總監-香港客運服務楊美珍話，好高興繼續支持殘疾人士免費乘搭車船日，亦感激一眾默默付出嘅照顧者，希望佢哋當日可以搭港鐵遊覽各區，探索唔同社區嘅文化特色。
更多港聞
【明報專訊】房屋協會近日喺項目規劃及建築連奪8個獎項，當中6個由明華大廈第一期重建項目同「長者安居樂」項目豐頤居包辦。行政總裁陳欽勉感謝業界...
詳情
【明報專訊】「2023國際濟公文化節」於新冠疫後回歸 ，本周五（10日）起一連三日喺維園1號球場舉行，活動費用全免，並首次設置一條長約800...
詳情
【明報專訊】玫瑰崗中學9月宣布將停辦，掀師生和持份者爭議，有學生拍片懇請特首提供新校舍、有校友開網上群組討論等。校方上周五提出，建議所有中一...
詳情
相關新聞
