【Emily】赴港大演講超時 葉劉：同學熱情唔肯走
[2023.10.03] 發表
【明報專訊】做過政務官、問責官員嘅立法會議員兼行政會議召集人葉劉淑儀，早前應港大政治與公共行政學系榮休教授卜約翰(John Burns)邀請，同該學系一班本科生演講及交流，主題係「How the executive-led system is working and the role of Legco in it」，講香港政制嘅歷史背景、行政主導嘅來源及行政立法嘅關係、行政會議非官守成員角色，以及集體負責及保密制等。
當日有70多名本地及海外學生到場，葉太話學生踴躍提問，原定一小時嘅講座亦「超時」至近兩小時先完成，但同學仍然未肯走，喺課室外排隊同佢合照，交流唔同議題，葉太都被佢哋嘅朝氣及熱情感動。
話港從政出路愈來愈廣
葉太又話，現時喺香港從政嘅出路愈來愈廣，以前要加入政府核心只能通過投考政務官，𠵱家可以考慮參選區議員、擔任議員助理，例如新民黨就有4名助理加入政府。
更多港聞
【Emily】蘇富比秋拍 估價兩億藍鑽矚目 首設史前異獸拍賣 有鈎鼻龍化石
【明報專訊】香港蘇富比嘅秋季拍賣會噚日開鑼，除咗傳統嘅藝術品同美酒名表外，為紀念蘇富比喺亞洲50年歷史，今次嘅焦點係一枚11.28卡嘅艷彩藍... 詳情
相關新聞
