【Emily】故宮三星堆展今開幕 3D投影還原神獸全像

部分展品因未完成復修等原因而未能完整展出，右圖展品為大小神獸像，為整個神像嘅其中一部分，策展團隊以AI及3D投影技術，還原整個神像並將還原圖展示喺牆上（左圖）。（鄧家烜、劉思昆攝）

其一展廳「穿越之眼」展出眼部有特色嘅青銅面具，圖左係目前體積最大嘅青銅「大面具」，圖右係眼睛凸起嘅「縱目面具」，「眼凸」有說係同蜀王蠶叢嘅特徵相關，亦有說係祈求視線可望到遠處。（鄧家烜攝）

2021年出土嘅金面具高17.5厘米，闊31厘米，重約350克，黃金成分85%。（鄧家烜攝）

虎頭龍身像係三星堆遺址出土最高嘅動物造型青銅器之一，基座三叉前端原本各鑄接一隻小立鳥，鳥上有朱砂紅彩，腹部以銅絲連接長方形嘅青銅片，不過𠵱家只剩其中一隻小立鳥。（鄧家烜攝）

【明報專訊】香港故宮文化博物館今日起至下年1月8日舉辦「凝視三星堆——四川考古新發現」展覽，展出120件有2600至4500年歷史嘅青銅器、玉器、金器及陶器等文物，近半係最近3年先出土，首次喺四川省外展出。最矚目嘅展品就係世界目前體積最大嘅青銅「大面具」、金面具，同埋虎頭龍身像。展覽更動用3D打印同AI(人工智能)技術，追溯展品原有形態。

展出世界最大青銅面具

四川省文物考古研究院研究員、三星堆考古研究所長冉宏林同Emily講，目前出土只有兩件青銅大面具，今次展出嘅一件喺2021年出土，重約65.5公斤，據研究係用於神靈化身嘅祭祀儀式。同樣係2021年出土嘅金面具重約350克，黃金成分佔85%，原本應該附於其他人面形器。至於虎頭龍身像，腹部有一個以銅絲固定嘅「小機關」，用途仍有待研究。

展覽由中銀香港贊助，展品中有某啲部件因未完成復修或其他原因而無法展出，其中策展團隊利用AI同3D全像投影，拼裝大神獸像上部嘅頂尊跪坐人像，還原整個神獸像。香港故宮文化博物館助理研究員王聖雨就話，展覽特地製作咗10幾款多媒體展示方式，包括用3D全像投影一棵高3.96米嘅青銅大神樹。

下周二不休館 門票剩小量

香港故宮文化博物館逢周二休館，但配合十．一黃金周，10月3日會開放，館長吳志華提醒只剩小量門票，購票要趁早，成人票150元、特惠票75元。

更多港聞

【Emily】老街坊馬時亨玉成 教大北角教學中心開幕

【明報專訊】香港教育大學「過海」喺北角設立教學中心，噚日舉行開幕儀式，除咗現任教大高層，校董會前主席馬時亨都有現身。原來馬時亨有份幫手穿針引... 詳情

料灣區DSE生人數增 香港珠海學院改收生策略

【明報專訊】本港學生人口正減少，自資院校收生受影響。香港珠海學院昨公布今學年本科及碩士生總人數1500，其中取錄一年級本科新生130人。校長... 詳情

派零班長洲錦小 下年小一生可申萬元獎學金

【明報專訊】今學年被教育局「派零班」小一的中華基督教會長洲堂錦江小學，昨日一度宣布向明年9月的小一新生頒發一萬元特別獎學金，贈送6套校服，豁... 詳情

6000萬元贈兩大醫學院研AI 李嘉誠：醫學應用不可或缺

【明報專訊】港大與中大醫學院分別獲李嘉誠捐贈3000萬元，兩學院亦投放等額配對，各用6000萬元推動人工智能應用醫學教研。中大醫學院稱，裝備... 詳情

大人ing：歪路

【明報專訊】DJ王遠杰（歪歪）出版與電台節目同名的散文集《那天我走上了歪路》，記下自己走過的每段「歪路」。 暱稱「歪歪」的他走上「歪路... 詳情