【Emily】消委續查黑客影響範圍 籲《選擇》訂戶改密碼
[2023.09.25] 發表
【明報專訊】消委會電腦系統日前被黑客入侵，近八成電腦系統受損。消委會噚日向《選擇》月刊訂戶發電郵，除交代黑客入侵事件，亦提出多項措施建議，等用戶考慮採取預防措施保護個人資料，包括重設同定期改密碼、檢查有冇可疑活動、帳戶有冇不尋常登入等，仲提醒話佢哋唔會透過電話、短訊、電郵向用戶索取或核實個人資料，呼籲大家提高警覺，如收到聲稱係消委會嘅電話、短訊或電郵就要核實來源。
消委會喺電郵提到，事後佢哋已即時採取行動，包括報警、主動向個人資料私隱專員公署備案等，𠵱家就做系統復修工作，同鑑證專家、警方合作，提升安全措施。至於邊類人嘅資料會受影響，消委會話調查緊，但從風險評估，消委會員工、選舉月刊訂戶、投訴人、求職者、合作伙伴等有可能受影響。早前消委會先舉行消費權益新聞報道獎公眾投票，參與投票公眾都有提交部分個人資料，包括姓名、電話、部分身分證號碼，消委會就話到目前為止冇證據顯示個人資料被盜用，但因為啲個人資料儲存喺受影響電腦系統，故未能確實排除到被盜取嘅可能。
更多港聞
【Emily】列車車廠同被塗鴉 港鐵報警籲愛惜
【明報專訊】有網民噚日喺facebook群組分享港鐵將軍澳線列車車身被塗鴉嘅相，見到第二至第三卡車廂有啲五顏六色嘅英文字。港鐵話職員噚日朝早... 詳情
【Emily】8月400萬旅客 港機場獲選亞洲最佳
【明報專訊】暑假結束，機管局公布8月嘅旅客及航班統計，8月有399.6萬人次旅客，貨物運輸量36.7萬公噸，與去年新冠疫情時同期比係大躍進，... 詳情
【Emily】太古培訓10大學生 助籌備聖誕市集
【明報專訊】政府成日提到要「搶人才」，有企業就趁學生未畢業，提供機會畀來自兩間大學嘅10名學生，參與職業及生活規劃、氣候變化、AI（人工智能... 詳情
東區救世軍兩小學將合併 新校長「當新校辦」不憂收生
【明報專訊】本學年5間津貼小學被教育局「派0班」小一，包括位於柴灣的救世軍中原慈善基金學校（下稱中原學校），將與杏花邨的救世軍韋理夫人紀念學... 詳情相關新聞
