【Emily】專頁冒認唐英年 開群組教買股
[2023.09.22] 發表
【明報專訊】網上虛擬貨幣交易平台涉詐騙事件近日鬧哄哄，騙徒除咗會搵KOL真人代言叫人投資，時下另一種詐騙手法係假冒名人喺社交媒體宣傳投資大法，呃人登入網站行騙。最新一個被冒名推介投資門路嘅喺全國政協常委、前政務司長及前財政司長唐英年，佢畀人假冒開咗個「唐英年論股」專頁。其實，唐英年都唔係首個被騙徒選中嘅前財爺，曾俊華、梁錦松都曾經中招。唐英年噚日就澄清話已就偽冒社交媒體平台專頁向警方舉報。
呢個「唐英年論股」專頁近日喺網上社交媒體平台出現，用唐英年嘅相招徠，內容係話佢發表一啲有關樓市跌幅加深影響銀行體系及引起金融危機嘅言論，當中亦提及唐英年投資情况，又話唐英年組建群組推薦股票。唐英年呼籲大眾要提防相關嘅虛假專頁及群組，以免受騙。
騙徒除咗假冒前財爺呃人，財經事務及庫務局前局長馬時亨早排都受害，據報馬時亨即時報警，仲向facebook舉報。
更多港聞
【Emily】16科大生做亞運義工 獲中聯辦培訓
【明報專訊】杭州亞運聽晚開幕，本港大學亦派出學生代表去當地做義工。香港大學派咗11個學生去當地做志願工作，噚日出發，又話亞運會主辦單位期望透... 詳情
比諾屢欠供強積金 118萬未繳 積金局：倘民事申索無果或封銀行戶口
【明報專訊】比諾教育機構疑陷財務危機，私立的比諾中英文幼稚園（上水中心）被指拖欠租金，位於上水石湖墟的比諾中英文幼稚園8月15日起被撤政府資... 詳情
【明報專訊】位於上水石湖墟的比諾中英文幼稚園被撤銷「幼稚園教育計劃」資格，不獲政府資助。部分家長即使仍可獲政府資助學費，亦安排子女退學。K3...
詳情
【明報專訊】香港道爾頓學校下學年接辦同屬私校的玫瑰崗幼稚園及小學，津校玫瑰崗中學2025/26學年結束後停辦。「玫瑰崗學校關注組」發起聯署，...
詳情
相關新聞
