【Emily】恒大用VR 學生嘗「災區採訪」
[2023.09.21] 發表
【明報專訊】恒生大學同3間專上院校合作，參照職場環境等，創建一套虛擬實境(VR)協作系統融入教學中。其中「新聞傳播」主題就以地震災難現場為藍本，新聞系學生進入虛擬環境後，可扮演記者、攝影師同受訪災民等唔同角色，學習點樣喺災難地震現場報道。
恒生大學傳播學院副院長(實務)趙應春話，以往好多記者都會外派到災區採訪，但就冇乜人有採訪地震嘅經驗，只能摸住石頭過河，「學校無教，newsroom(新聞室)做老細嗰個都無話會教定(記者)」，希望系統可讓學生對災難現場「有個基本概念」。
趙應春：參考舊片 盡可能還原實况
趙應春又分享，創建平台時參考番好多以往地震嘅新聞片段，例如餘震、冧樓，亦問過採訪過四川汶川地震嘅記者，盡可能還原現實情况。佢話，唔少前線記者都反映「(地震)現場又有傷者，又有救護人員，有時仲有官員，但只有好短時間」，認為呢啲係好好嘅教學素材，畀學生認識採訪意外或災難時可能會遇到嘅兩難局面。
項目獲教育局質素提升支援計劃資助超過870萬元。除咗「新聞傳播」外，系統亦重現航空貨運站運作流程，學生可嘗試辨識危險品同違規貨物等；另亦重塑一級歷史建築「虎豹別墅」，讓學生了解其建築特色同歷史意義。
更多港聞
【Emily】民建聯「地區治理」班畢業禮 陳國基出席
【明報專訊】民建聯噚日舉行「地區治理研習課程」畢業禮，約100名參與課程嘅該黨區議員、地區幹事出席。黨主席李慧琼表示，民建聯喺今屆區選嘅目標... 詳情
【Emily】赴浸大政府工招聘展 楊何蓓茵出力「搶才」
【明報專訊】政府6月宣布降低招聘門檻，接受大學三年級或將升讀三年級嘅學生投考公務員，公務員事務局長楊何蓓茵噚日喺浸大政府職位招聘展覽助力「搶... 詳情
【Emily】貿發局巴黎擺「茶記」 以食宣傳香港
【明報專訊】貿發局喺法國巴黎舉辦「成就機遇．首選香港」論壇，仲帶咗間茶餐廳去巴黎𠻹。政府新聞處發放嘅相片所見，貿發局以茶餐廳形式設計攤位，... 詳情
【Emily】退役柴頭60號新任務 進駐鐵路博物館
【明報專訊】港鐵嘅柴油電動機車60號（Peter Quick）上年正式退役，港鐵噚日話，已經跟足「柴頭60號」原本嘅車身顏色髹咗新油，但保留... 詳情
【明報專訊】網紅林作因「綠石數字資產平台」（JPEX）一案被捕全城哄動，早年經常同林作同場出席節目同飯局嘅作家陶傑，噚日撰文回應作為「師父」...
詳情
相關新聞
