【Emily】民建聯「地區治理」班畢業禮 陳國基出席
[2023.09.21] 發表
【明報專訊】民建聯噚日舉行「地區治理研習課程」畢業禮，約100名參與課程嘅該黨區議員、地區幹事出席。黨主席李慧琼表示，民建聯喺今屆區選嘅目標同佈局有待下任領導層討論，亦樂意向政府推薦成員做委任區議員。
民建聯今年4至9月舉辦課程，教導黨內從事地區工作嘅成員了解公共政策、應對傳媒技巧、撰寫倡議書等，噚日舉行畢業禮。區選提名期下月17日展開，被問到民記計劃派幾多人參選、目標議席數目，即將卸任黨主席嘅李慧琼話留待下任領導層決定。民建聯早前已完成換屆選舉投票，據Emily了解，57人嘅新一屆執委名單噚日誕生，下周一會選出新任正副主席。
民建聯領導層換屆在即，出席畢業禮嘅政務司長陳國基發言時，特別感謝李慧琼過去多年來帶領民建聯「做很多實事、好事」。
更多港聞
【Emily】赴浸大政府工招聘展 楊何蓓茵出力「搶才」
【明報專訊】政府6月宣布降低招聘門檻，接受大學三年級或將升讀三年級嘅學生投考公務員，公務員事務局長楊何蓓茵噚日喺浸大政府職位招聘展覽助力「搶... 詳情
【Emily】貿發局巴黎擺「茶記」 以食宣傳香港
【明報專訊】貿發局喺法國巴黎舉辦「成就機遇．首選香港」論壇，仲帶咗間茶餐廳去巴黎𠻹。政府新聞處發放嘅相片所見，貿發局以茶餐廳形式設計攤位，... 詳情
【Emily】退役柴頭60號新任務 進駐鐵路博物館
【明報專訊】港鐵嘅柴油電動機車60號（Peter Quick）上年正式退役，港鐵噚日話，已經跟足「柴頭60號」原本嘅車身顏色髹咗新油，但保留... 詳情
【明報專訊】網紅林作因「綠石數字資產平台」（JPEX）一案被捕全城哄動，早年經常同林作同場出席節目同飯局嘅作家陶傑，噚日撰文回應作為「師父」...
詳情
相關新聞
