【Emily】民建聯倡區選投票時間縮至「朝八晚六」
[2023.09.20] 發表
【明報專訊】區議會選舉12月10日舉行，政府至今仍未公布投票時間。民建聯提出將區選投票時間縮短至「朝八晚六」，認為𠵱家選舉投票時間超過10小時太長，建議縮短至10小時。該黨立法會議員陳勇強調只係建議，最終方案有待政府決定，認為要審視邊個時段較少選民投票，希望唔會影響投票率。
2019年區選嘅投票時間由朝早7點半至晚上10點半。
籲口岸設常設投票站
民建聯亦建議，容許選民投票時以長者卡核實選民身分，並提出喺口岸設立常設投票站，方便內地港人回港投票。被問到點解通關後仍設口岸票站，該黨立法會議員周浩鼎認為，如果住內地嘅選民原居港島，距離較遠，喺口岸投票更方便。
執委會換屆 陳克勤接任呼聲高
另外，民建聯噚日完成執委會換屆選舉投票，惟暫未完成點票，預計下周一選出新領導層。現任主席李慧琼噚日主持任內最後一次執委會會議，副主席陳克勤接任呼聲最高，陳恒鑌、葛珮帆料將接任副主席。至於黨團召集人，何俊賢被看高一線，但要下月才揭盅。
更多港聞
【Emily】迪士尼加價 門票3級變分4級 全年最繁忙特定日票價879元
【明報專訊】香港迪士尼樂園噚日宣布今日起上調門票票價，同時推出特別優惠，喺11月15號之前，一律可用原價買一日門票入場。 原本迪士尼門... 詳情
【Emily】客人可飲住奶茶睇show 和記餐廳灣仔店中秋結業 撐本土音樂文化 周國賢曾表演
【明報專訊】灣仔嘅和記餐廳，除咗係一間茶記，仲不時化身音樂表演場地，畀人飲住奶茶睇show，至今舉辦超過70場本地音樂會，但餐廳前日喺社交平... 詳情
【Emily】太古城700元燒肉放題 食油甘魚食到蟲 店稱「來貨控制唔到」
【明報專訊】有網民喺facebook發文及相，話前晚同老公喺太古城「炎舞家」花700元享用燒肉放題，點知食緊「西京燒油甘魚」時，發現條魚入面... 詳情
相關新聞
