【Emily】「撤離浮橋」變石澳打卡位 市民自拍釣魚 沙灘有內地客

[2023.09.11] 發表

【明報專訊】世紀暴雨導致石澳道面臨山泥傾瀉和塌路，當區陸路出行大受影響，政府喺石澳後灘搭建臨時浮橋供市民經水路撤離及提供物資，而石澳道噚日已開通。Emily同事去到觀察，發現當局已經搭建一條新嘅橙色浮橋，並吸引唔少大人細路到場「打卡」，成為石澳「新景點」。此外，有市民喺浮橋上釣魚。

石澳道經搶修後已經重開，市民目前可乘搭巴士出入，原用作撤離市民嘅浮橋變成當區居民「新去處」。記者所見，除小朋友外，唔少大人嚟到自拍，及一嘗踩浮橋滋味，其中有一名男子準備充足，帶埋魚絲釣魚。

陸路已通「唔知條橋有咩用」

有居民就反映，由於陸路已開通，「唔係好知政府新搭條橋有咩用」，認為「this government (is) so funny」。嗰名居民仲話，過嚟睇浮橋主要係「笑吓」同「開心吓」。

石澳沙灘受暴雨洗禮後一片狼藉，甚至有豬屍，但仍有零星內地客到嚟打卡，並擺唔同「甫士」，可見沙灘魅力不減。

政府噚日舉行記者會，有傳媒都問，政府前日幫手撤走石澳居民，但其實接住就已打通石澳道通車。政務司長陳國基話，政府做這一切工作，都係希望協助該處居民唔使「與世隔絕」，盡快畀居民恢復正常生活。

更多港聞

【明報專訊】打算喺周五（15日）「過大海」去澳門嘅人要留意喇，金光飛航同噴射飛航宣布下周五起加價。以港澳碼頭往返澳門嘅船票為例，兩間船公司嘅... 詳情

【明報專訊】懲教署推出沿途有「理」計劃，話因應涉及嚴重罪行和思想激進在囚者嘅更生需要，推展唔同教育活動。當中有同香港中樂團合辦嘅中國鼓樂課程... 詳情

【明報專訊】本港上周四晚至周五經歷雨災後多區嚴重水浸，部分村落如茶果嶺村嘅居民需要疏散，大潭紅山半島更有山坡崩塌。房屋局長何永賢就趁機宣傳過... 詳情

【明報專訊】港區人大代表近日去咗甘肅省考察，睇行程都幾豐富，如參觀莫高窟，又喺敦煌世界地質公園嘅月牙泉，於大漠上排排企，豎起拇指讚好打卡影相... 詳情

【明報專訊】皇仁書院去年160周年校慶，皇仁舊生會為校慶特別推出一款威士忌（圖），產自蘇格蘭歷史最悠久酒廠之一Ben Nevis，酒樽同包裝... 詳情