【Emily】有歌手演出 音樂表演 免費泊車 響應夜經濟 恒基太古商場推優惠
[2023.09.05] 發表
【明報專訊】政府話要大搞「夜經濟」，各地產商先後和應，推出不同「晚間限定」嘅優惠，繼華懋後，恒基地產噚日公布，尖沙嘴Mira Place、將軍澳MCP新都城中心及馬鞍山MOSTown新港城中心都有鼓勵夜間消費嘅活動及優惠，其中邀請咗唔少歌手喺商場出席活動，例如姚焯菲喺中秋節(29日)晚上會喺新都城中心搞簽唱會，馮允謙同黃淑蔓就喺國慶日晚上喺新港城中心開音樂會。
至於商場提供嘅消費優惠，就要先成為商場會員，晚上8點後到商場消費後可換領購物禮券、免費泊車等。
太古地產亦公布，旗下3個商場太古廣場、太古城中心同東薈城今個月同下月都會推出晚間優惠及免費泊車，又會喺指定周末設現場音樂表演。其中金鐘太古廣場，9月8日至10月31日，顧客晚上7點後任何消費，可免費泊車3小時；太古城中心就由9月1日至10月31日，於傍晚6時後任何消費，可免費泊車3小時。
廠商會就提出5項策略，包括建議政府制訂「夜間經濟發展藍圖」、打造夜間地標同標誌性嘅活動、推「夜間消費券計劃」，其中建議開設24小時博物館，推出特色展覽，製造新鮮體驗吸引人流。
更多港聞
【Emily】蔡耀昌入韓東方勞權組織 助研究宣傳
【明報專訊】任職社區組織協會（SoCO）幹事多年嘅前支聯會副主席蔡耀昌（九哥，圖，蔡facebook圖片）早前辭職，並加入由工運領袖韓東方創... 詳情
段崇智開學致辭 普通話籲悉國情 英粵語談AI時代 勉育人類獨有創意思維
【明報專訊】香港中文大學昨新學年開學，校長段崇智在開學禮以英文、廣東話及普通話致辭，當中只以普通話談及國民教育。他表示，新生作為中大一員，「... 詳情
【明報專訊】團結香港基金發表《將香港發展為國際教育樞紐》政策倡議報告，認為吸引多元非本地生是回應人才競爭、推動社會經濟發展的重要方略。基金會...
詳情
相關新聞
