【Emily】庫存剩4日 紅會籲捐血 提大家新冠康復兩周後可捐
[2023.05.20] 發表
【明報專訊】近日好多人感染新冠同流感，少咗人捐血，公立醫院亦因服務需求殷切，對血液需求亦不斷上升。香港紅十字會輸血服務中心噚日話，血庫只係剩番4日存量，其中O型、A型同B型血尤其唔夠，形容每日收集血液數量同目標有「好大距離」，呼籲市民盡快捐血，話周末、下周佛誕假期(26日)都會開放捐血站。Emily聽到消息後都已經即刻約埋幾個朋友，今個周末放假一齊捐血。
香港紅十字會輸血中心血液收集及招募部主管梁雅詩話，最近成日落大雨影響市民外出意欲，加上好多市民感染新冠、流感而捐唔到血，導致整體血液收集量大減。佢又話血庫目標每日收集650袋血液，但近日最差只收到400袋。輸血服務中心呼籲16至65歲嘅合資格人士盡快捐血，又提醒想去捐血嘅朋友先打電話、上網，或者用手機應用程式預約，咁就唔使喺捐血站排隊等咁耐。
輸血中心另外喺facebook提供「捐血愛心錦囊」，提醒大家流感或感冒康復一個禮拜後就可以捐血，如果有發燒或者感染新冠就要休息兩個禮拜；打完流感、新冠針一日後亦都可以捐血，但如果紋眉、紋身等就要等6個月喇！
更多港聞
【Emily】撐有線主播跳舞 江玉歡：咁多規條邊個來港？
【明報專訊】5個有線電視女主播喺公司新聞廠大跳韓國女團BLACKPINK成員智秀（Jisoo）新歌《Flower》嘅「開花舞」，據知引起高層... 詳情
【Emily】四成人不回收 民建聯倡全港屋苑設入樽機
【明報專訊】政府最快今年底開始禁止銷售或免費供應即棄塑膠產品，民建聯喺4月20日至5月15日訪問咗429人，發現約40%受訪者喺過去一星期，... 詳情
【明報專訊】前民政事務局長徐英偉（Caspar）做咗酒店業主聯會執行總幹事一個月，近期轉趨活躍。佢喺社交網站LinkedIn發表工作報告，細...
詳情
【明報專訊】香港總商會噚日舉行周年會員大會選出新一屆理事，大部分人連任，中電控股總監阮蘇少湄、安永會計師事務所大中華區主席辦公室資深顧問陳瑞...
詳情
【Emily】課外活動用品展 逾200攤位即場試玩
【明報專訊】仲有個幾月就放暑假，唔少家長都會為仔女提早安排暑假時帶佢哋去邊度玩、參加咩課外活動等，「課外活動節暨教材及用品博覽2023」噚日... 詳情相關新聞
