【Emily】總商會換屆 何超瓊新任理事
[2023.05.20] 發表
【明報專訊】香港總商會噚日舉行周年會員大會選出新一屆理事，大部分人連任，中電控股總監阮蘇少湄、安永會計師事務所大中華區主席辦公室資深顧問陳瑞娟，分別連任總商會主席、常務副主席。另有6個理事空缺要填補，新任理事有政協常委、信德集團行政主席何超瓊，其餘5個理事都係連任，除咗阮蘇少湄，仲有太古集團主席白德利、長實主席李澤鉅、匯豐亞太區聯席行政總裁廖宜建、新維通工程董事余國賢。
阮蘇少湄提到，總商會未來幾個月會同各會員、商界、政府合作，全速推動經濟重上軌道。佢又認為，企業應向海外商業伙伴解說香港實際情况，消除國際商界同傳媒對香港嘅各種誤解。
更多港聞
【Emily】課外活動用品展 逾200攤位即場試玩
【明報專訊】仲有個幾月就放暑假，唔少家長都會為仔女提早安排暑假時帶佢哋去邊度玩、參加咩課外活動等，「課外活動節暨教材及用品博覽2023」噚日... 詳情相關新聞
