【Emily】「勞聯」霓虹招牌等待再次「亮燈」
[2023.04.11] 發表
【明報專訊】復活節假期，勞聯立法會選委界別議員林振昇「兼職」做清潔工人，落手落腳「省招牌」。林振昇話，勞聯喺深水埗福耀大廈外牆曾經懸掛紅色霓虹燈「勞聯」招牌，但佢同Emily講，早兩三年前收過屋宇署通知，建議清拆，而咁啱大廈又要做外牆維修，所以老招牌都要拆掉，招牌就一直放喺勞聯會址雜物房。
林振昇話趁假期洗刷一下招牌，體現吓工會勞動精神。佢介紹呢塊招牌，話「勞聯」二字出自香港街頭書法家李漢手筆，當時未有LED，所以請霓虹燈老師傅做咗呢個霓虹招牌。近年唔少老店舊招牌收到清拆令後被拆下，本港街頭夜景好似少咗一份味道，林振昇就話，現時只好保存住招牌，等他日復修後，期望再次有「亮燈」機會。
更多港聞
八大唯一兩屆不「斷莊」 歷社運疫情會員減七成半 科大學生會：學界難復昔 適時思轉型
【明報專訊】科大學生會在8間資助大學中唯一成功連續兩屆不「斷莊」，其餘學生會大多已解散、不獲校方承認或正討論去留。科大學生會新任會長張梓勤接... 詳情
【明報專訊】浸大學生會幹事會內閣「滄溟」上周在社交媒體發表就任宣言，稱對上一次有學生會內閣當選就任，要數到2019年的「千鵠」，至今4年間，...
詳情
相關新聞
