【Emily】中西區未婚比例全港最高 離婚分居率深水埗居首
[2023.04.05] 發表
【明報專訊】統計處早兩日公布2022年各分區人口統計數字，除咗唔少人關注嘅收入分佈，仲公布咗各區從未結婚、已婚同離婚人數及比例。其中「從未結婚」嘅數字應該最受關注，Emily睇番啲數，15歲及以上從未結婚單身男女最多嘅係觀塘區，有17.8萬，其中9萬多係男性，8.7萬係女性；至於人數最少嘅係灣仔區，有4.2萬，女性就佔近2.6萬。
全港多9500人離婚分居
觀塘最多單身 灣仔最少
如果按當區總人口比例計，中西區嘅從未結婚比例最高，有32.3%嘅人從未結婚，當中以女性佔多；其次就係黃大仙區，31.9%當區人口從未結婚，但就男性佔多。
對比2021年嘅數字，部分地區從未結婚嘅人口有所增加，包括南區、北區、西貢、深水埗、葵青及屯門，其中以南區增加得較多，多咗超過兩萬。
至於離婚方面，舊年全港報稱離婚或分居嘅人有39.3萬，比對2021年多咗9500人，其中離婚比例最高嘅地區係深水埗。不過，根據司法機構噚日回覆立法會財委會過去5年嘅數字，向家事法庭入稟離婚嘅個案數目，自2018年一直下跌，由2018年嘅近2.3萬宗，跌至上年1.65萬宗。
更多港聞
【Emily】昔高調撐警 特首曾幫襯 銀龍茶座呻生意差 嘆從來「無分顏色」
【明報專訊】反修例運動期間曾經高調支持警方嘅鯉魚門銀龍咖啡茶座，老闆娘李凱瑚（Kate姐）喺微博慨嘆近期生意麻麻，話自己一直「無分顏色」，同... 詳情
【明報專訊】立法會就快會審議財政預算案，政府唔同政策局近日陸續回覆議員有關來年開支預算嘅查詢。Emily留意到，作為特區之首嘅行政長官辦公室...
詳情
【明報專訊】今年3月底租約期滿嘅中環藝穗會，獲政府續租一年，較剛過去嘅5年租約短，但暫時可喺現址、一級歷史建築舊牛奶公司倉庫南座留多一陣，繼...
詳情
相關新聞
