【Emily】「流行文化節」頭炮伊館音樂會 年輕歌手演繹舊金曲
[2023.03.16] 發表
【明報專訊】特首李家超喺舊年《施政報告》提出每年搞香港流行文化節，今年第一年由政府牽頭，頭炮活動包括4月一連兩日喺伊利沙伯體育館舉辦音樂會，搵年輕歌手演繹橫跨1980年代至近代嘅歌曲，包括已故巨星「哥哥」張國榮、「梅姐」梅艷芳同埋已故作曲人顧嘉煇等人嘅作品，演出嘅本地歌手包括吳業坤、林欣彤等，未見近年大受歡迎嘅MIRROR；演唱會要收費，4種票價由220至520元不等。
文體旅局噚日亦向立法會提交文件，提到流行文化節喺頭幾年，將重點介紹1960年至1990年代「香港流行文化黃金時期領導亞太潮流」嘅代表人物，包括「哥哥」同「梅姐」等，希望吸引年輕一代同世界各地觀眾。
另有「青年自主」busking演唱會
除咗音樂會，展覽、電影放映等20幾場活動，局方話仲有由「青年人自主」嘅街頭表演(busking)形式演唱會。Emily記得，以往無「在公眾街道或道路奏玩樂器許可證」係可被票控，不過相信今次官方搞busking，一定「有牌」啦！局方預計文化節可以吸引14萬觀眾現場參與。
更多港聞
【Emily】卸任中大校董 梁定邦：珍惜通識教育
【明報專訊】中大校董會前司庫梁定邦本月1日任期屆滿，佢長達29年嘅中大校董身分同樣畫上句號。梁接受《走進中大》刊物專訪提到，佢好珍惜中大多年... 詳情
高中核心科改革首屆學生 逾半選修3科 增近九成 教局：初步反映裨益師生
【明報專訊】高中4個核心科目改革，包括公民與社會發展科取代通識教育科，上學年（2021/22）中四起推展，以騰出課時、減考生考試壓力。有議員... 詳情
【明報專訊】香港大學昨嚴正聲明，稱留意到近日有社交媒體帖文指，可代客申請入讀港大，聲稱低分直接取錄、無標準成績、雅思（IELTS）、托福（T...
詳情
相關新聞
