【Emily】陳浩濂赴菲開會晤老友 兼推銷綠色金融
[2023.03.10] 發表
【明報專訊】香港係亞洲開發銀行(亞開行)嘅其中一員，財庫局副局長陳浩濂(Joseph)去咗菲律賓，參加亞開行轄下嘅亞洲開發基金會議，乘機「說好香港故事」。Joseph話，喺當地見到舊朋友，就係亞開行東亞部主管Teresa Kho，感謝對方今年1月來港做「亞洲金融論壇」演講嘉賓。Joseph之前出訪外地，唔少人仲以為旅客來港要隔離，但Joseph話菲律賓唔同，當地人都好了解香港情况，有與會者仲同佢講，計劃幾星期後由菲國來港旅行度假。
佢噚日喺會上發言，提及氣候變化對全球造成重大挑戰，亞開行採取多項舉措應對，佢鼓勵亞開行善用香港嘅綠色金融系統及專業服務，善用香港金融平台，進行發債及基礎建設融資活動。
另外，教育局長蔡若蓮去咗廣東；運輸及物流局長林世雄今日會率領香港物流發展局成員到珠海考察當地嘅物流園設施，並會同珠海市政府代表會面。
更多港聞
【Emily】南昌押招牌傳周日拆 市民聞訊留影
【明報專訊】近期唔少舊招牌因唔符合屋宇署標準要求而要拆除，繼深水埗梁添刀廠嘅大刀招牌拆下後，該區另一景點位南昌押霓虹招牌，噚日有工人搭棚架，... 詳情
【明報專訊】香港中華基督教青年會（YMCA）與澳門、廣州、台灣的團體合作一項調查，結果顯示，香港青年與家長的衝突程度是四地之中最高，高中生尤...
詳情
相關新聞
