【Emily】梁宏正帶隊赴穗交流 周圍「打卡」
[2023.02.08] 發表
【明報專訊】香港同內地全面通關後，民青局噚日(7日)舉行首個青年交流活動，由副局長梁宏正、政助張進樂同青年發展委員會副主席梁毓偉親自帶隊，同30幾個青年代表去廣東考察，分別去咗TIT創意園、微信總部等參觀。梁宏正話今次交流有一定成果，包括邀得廣東青聯回訪香港，加強兩地青年交流。
交流團參加者包括香港菁英會同香港青聯嘅青年工作者、在職青年、大學生等，一行人噚日朝早搭高鐵去廣州，先到「天河區港澳青年之家」同廣東青聯交流，梁宏正先介紹去年底出爐嘅《青年發展藍圖》，仲邀請廣東青聯同當地青年嚟香港交流，又話會為唔同發展階段同背景嘅青年，提供適合嘅境外交流同實習機會，包括優化、推出新一輪嘅「粵港澳大灣區青年創業資助計劃」。
一行人下晝去咗位處TIT創意園嘅微信總部參觀，了解微信嘅業務發展，又周圍「打卡」，亦參觀咗園區入面嘅「未來社」、「群接龍」及「氪空間」等科創同文創企業。交流團即日返港結束行程。
更多港聞
【Emily】民研兩岸政治人物支持度 習近平第五
【明報專訊】香港民意研究所噚日發表「兩岸政治人物民望」調查，顯示港人最熟悉嘅兩岸領導人之中，以支持度排名，國務院前總理朱鎔基以70.6分繼續... 詳情
【Emily】G19參觀天水圍醫院 一窺科技應用
【明報專訊】天水圍醫院係「智慧醫院」試點之一，G19立法會議員謝偉銓、簡慧敏、邱達根、嚴剛、周文港等噚日就去咗參觀。佢哋穿上全套保護衣，喺醫... 詳情
科大全球招聘30學者 領軍6跨學科領域 助港建國際創科中心
【明報專訊】政府強調「搶人才」，科大昨推出「30周年策略招聘計劃」，目標聘請30名副教授或以上「一流人才」，助香港發展成國際創科中心。教資會... 詳情
冀打破收生瓶頸 珠海學院目標2026申升格大學
【明報專訊】自資院校香港珠海學院擬升格為私立大學。校長陳致昨表示，擬於2026年內向政府申請升格大學，稱學院已滿足大部分現行要求，惟「連續兩... 詳情
相關新聞
