【Emily】報名做共創明Teen導師 顏汶羽話學員無興趣從政
[2023.02.06] 發表
【明報專訊】政府推出嘅「共創明『Teen』」計劃已經開展咗3個幾月，其中民建聯立法會議員顏汶羽都有報名成為導師。顏汶羽噚日喺facebook分享同學員見面過程，提到學員近日嚟到佢喺立法會大樓嘅辦事處參觀同傾偈，發現佢哋對從政興趣不大，反而希望從事醫護行業，仲諗住報名上急救同英文課程，並形容學員係一個目標清晰嘅中學生。佢話之後會和學員一齊到私家診所同安老院舍體驗醫護工作，了解行業情况同職業路向，希望幫到學員做好個人發展規劃。
指學員導師隨機配對機制未必好
顏汶羽話共創明Teen係一個本意好嘅計劃，但認為運作上有不足。佢提到學員和導師為隨機配對，有時未必可以畀學員搵到最適合自己嘅導師，認為呢個機制要調整吓，例如導師背景和學員興趣、志向應該要互相配合；而為咗方便和學員見面，建議導師都應該可以揀配對嘅地區，唔係就好難拉近師友關係。
更多港聞
【Emily】細路出IQ題唔識答 林定國「懷疑人生」
【明報專訊】律政司長林定國（圖最左）噚日喺官邸同約20名8至12歲嘅「HAC安徒生會」兒童會員玩遊戲、講故事、傾偈。佢喺facebook話，... 詳情
【明報專訊】本港今日起與內地全面通關，跨境生後天（8日）起分兩階段回港上課，停滯3年的內地交流亦將復常。教育局要求所有公帑資助學校的新入職教...
詳情
相關新聞
