【Emily】林景楠「還押缺資訊論」 遭還押者與親屬反駁
【明報專訊】民主派「35+初選案」下月開審,被告之一、阿布泰國生活百貨創辦人林景楠前日承認已被列為控方證人,又話有還押者呼籲抵制其公司只因「資訊缺乏流通性」同情緒受影響,此言論引來多人反駁。同案在還押嘅被告伍健偉,其社交媒體發帖,話「我們不需要透過出賣自己、陷害、欺騙他人的行徑,也能過得光明磊落」。另一被告劉頴匡嘅女友黃于喬(Emilia)亦不點名批評林景楠,指出正還押嘅被告可以睇到控方證人嘅口供,反而較公眾有更流通同全面嘅資訊。
伍健偉fb噚日引述佢批評林景楠同近日捲入欠債風波嘅前區議員張秀賢,話「請不要為自己的行為開脫,請不要侮辱那些努力在此地生存的人」。Emilia亦不點名回應林景楠,指出還押者睇到公眾不能接觸嘅文件、律師傳達嘅消息等,又質疑林未接觸過還押被告,就抹黑對方情緒差。
至於呼籲罷買阿布泰嘅前區議員岑敖暉,其妻子余思朗前晚亦有回應林景楠,強調還押者獲得齊全法律文件,能了解案情同證供。佢又反駁,雖然長時間還押會影響在囚者情緒,「但完全無喪失基本思辨能力」。