【Emily】青途×市建局 油尖旺定向鬥搵「打卡位」
[2023.01.30] 發表
【明報專訊】由青途發展社區發展協會同市建局合辦嘅「玩轉社區．藝遊油尖旺」城市定向比賽噚日舉行，吸引咗800多名市民參賽。發展局長甯漢豪、青途執委會主席兼立法會議員鄭泳舜，以及香港運動員包括東奧乒乓球女團銅牌得主蘇慧音同長跑好手黃尹雋等人，都有出席活動。定向比賽規則係參賽者先要自組隊伍，喺限定時間自行策劃路線，一齊搵油尖旺區嘅「打卡點」，搵得愈多地點就可以拎更多分。
蘇慧音參與 甯漢豪有啟發
甯漢豪喺活動開步禮致辭時話，今次定向比賽喺市區舉辦別具意義，除咗畀參加者了解油尖旺嘅特色，亦可促進人與人之間嘅交流。佢又話，政府同市建局喺過去幾年逐步落實油尖旺區老舊大廈和社區嘅重建工作，今次活動再次提醒佢哋喺重建同時，都要兼顧社區特色，令社區發展得更好、更有活力。
更多港聞
【Emily】工聯新春花車巡遊 鄧家彪盼派消費券
【明報專訊】唔少政團繼續搞賀年活動，工聯會喺油塘舉辦新春花車巡遊活動，立法會議員鄧家彪同九龍東團隊出席。花車途經藍田、秀茂坪、觀塘和彩虹等多... 詳情相關新聞
