【Emily】楊永杰梁文廣搭高鐵 直播至少7次
[2023.01.16] 發表
【明報專訊】高鐵噚日終於復運，立法會議員楊永杰同經民聯議員梁文廣就搭咗首班往廣州東站嘅列車。兩人噚日喺facebook至少直播咗7次，分享搭高鐵北上心得，梁文廣就話心情好興奮，前一晚甚至瞓唔着。
高鐵乘客首次可使用電子車票，不過梁文廣入閘時有啲阻滯，佢話掛住回應傳媒提問，比起原定入閘時間遲咗1分鐘，結果唔可以直接用電子車票，要轉為人手檢查；到登車時終於可以試新嘅入閘方法，但初時將回鄉證反轉咗放而唔成功，佢之後提醒市民，記得將證件放啱方向。
兩人即日來回，除咗體驗搭高鐵之餘，楊永杰話，更重要係想同內地嘅部門傾吓青年交流事宜，希望暑假可以組織高鐵交流團，畀多啲青年人認識國家發展。佢哋開完會後去咗廣州海心沙亞運公園參觀，梁文廣話，幾年冇北上，覺得廣州變咗好多，仲話值得市民之後多啲上去玩𠻹。
更多港聞
疫下梅難馨 書舍歲月停 18年樓上書店下月結業 留字「孤月此心明」
【明報專訊】走進旺角西洋菜南街66號唐樓，乘升降機時可見橫幅寫住「讀書就要讀好書」，旁邊是早已褪色的「梅馨書舍」4字。這間位於唐六樓的二手書... 詳情
【明報專訊】梅馨書舍下月中結業，老闆鄭廣文關店後要還原單位，月底前遷出。問到會否有朋友接手，他笑言「現在這個環境，不要害朋友喇。你想害一個人...
詳情
相關新聞
