【Emily】1月1日生效 1月6日公布 霍啟剛任藝發局主席 接替王英偉
[2023.01.07] 發表
【明報專訊】新一屆藝發局成員任期1月1日已生效，不過政府直至噚日先出稿公布新成員名單，連同3名政府代表共27人，體演文出界立法會議員霍啟剛(圖)接替金沙中國總裁王英偉擔任藝發局主席，副主席楊偉誠就再度獲委任，有關委任下周刊憲。藝發局對政府委任表示歡迎，期望喺霍啟剛帶領下展開新一頁。
新一屆藝發局成員任期3年，至2025年結束，由霍啟剛接任主席，其他新獲委任嘅包括資深傳媒人盧永雄、地監局主席蕭澤宇等。藝發局話，霍啟剛喺2020年加入藝發局，積極參與各項工作，熱心關注藝文界發展同需要，藝發局會盡快召開大會，制定未來發展方向同策略，支持本港藝術工作者同藝團作多元化發展。
王英偉自2011年起擔任藝發局主席，係歷來任期最長嘅主席，佢任內曾終止反修例紀錄片《理大圍城》發行商影意志嘅資助，原因係電影「美化暴動事件」。去年藝發局增加資助條款，如果損害藝發局資產或聲譽，將被視作違約。
更多港聞
【明報專訊】《施政報告》話會提供一筆過共6000萬元，支持所有參加「幼稚園教育計劃」嘅幼稚園舉辦校本活動，畀學生從小認識中華文化，培養國民身...
詳情
【Emily】狄志遠見日本總領事 盼社福界組團赴日考察
【明報專訊】新思維立法會議員狄志遠噚日同日本駐港總領事岡田健一見面，阿狄關注日本早前取消香港航班飛往部分當地機場嘅限制，佢引述岡田話，日本政... 詳情
【明報專訊】選委會界別立法會議員吳傑莊（Johnny）噚日同傳媒茶敘，一直關注創科同金融科技發展嘅佢，有份牽頭喺下星期舉辦「Power We...
詳情
相關新聞
