【Emily】幼園中華文化活動津貼 每校最多8萬
[2023.01.07] 發表
【明報專訊】《施政報告》話會提供一筆過共6000萬元，支持所有參加「幼稚園教育計劃」嘅幼稚園舉辦校本活動，畀學生從小認識中華文化，培養國民身分認同。教育局噚日向幼稚園發通函公布詳情，按學校嘅學生人數，每間學校最多有5萬或8萬蚊，但活動一定要由學校自己設計，唔可以「外判」，而且無論有無申請津貼，每學年都要喺校網展示活動成果。
要自行設計活動 不可「外判」
所有2022/23學年參加「幼稚園教育計劃」嘅幼稚園都符合資格，可申請呢份「推廣中華文化及藝術津貼」。獲批津貼嘅幼稚園可以喺2022/23至2024/25學年用津貼舉辦校本活動，幫助學生認識同欣賞中華藝術及文化，建立對國家嘅歸屬感。不過點用津貼都有唔少限制，包括唔可以用嚟買電子設備、請人，另學習活動、教材設計、示範等亦唔可以「外判」，即唔可以購買外間服務。
文件又提供活動例子畀學校參考，包括安排參觀博物館或者觀賞文藝表演、鼓勵兒童同家長閱讀有關傳統美德、寓言、中國名人故事等。
更多港聞
【Emily】狄志遠見日本總領事 盼社福界組團赴日考察
【明報專訊】新思維立法會議員狄志遠噚日同日本駐港總領事岡田健一見面，阿狄關注日本早前取消香港航班飛往部分當地機場嘅限制，佢引述岡田話，日本政... 詳情
【明報專訊】選委會界別立法會議員吳傑莊（Johnny）噚日同傳媒茶敘，一直關注創科同金融科技發展嘅佢，有份牽頭喺下星期舉辦「Power We...
詳情
相關新聞
