【Emily】周守仁聖誕賀辭：最好禮物是交付自己成就別人
[2022.12.24] 發表
【明報專訊】天主教香港教區主教周守仁發表聖誕賀辭，話2023年面對搖擺不定嘅前景，「彷彿在光明與黑暗、希望與絕望之間」。佢又話，我哋為他人所做嘅安排要配合尊重同埋同理心，有啲心懷善意嘅成人同父母，希望將最好嘅交畀年輕人，為年輕人精心設計好計劃，但接受一方唔一定欣賞，換嚟嘅係大家會見到青年變得悲傷、不滿、絕望或者呆滯，以示抗議。
面對未解決社會矛盾
陳謳明籲由己做起 善待自己他人
喺疫情方面，周守仁亦有同樣觀點，話各種防疫措施保護長者，但反令長者同親友分隔，長者因而愈嚟愈孤寂壓抑，更甚係長者要喺無親人陪伴下孤獨離世。周守仁引用歌詞，話「世界現在需要的是愛」，面對嚴峻嘅現實時，需要互相關懷、支持同付出，「最好的聖誕禮物，是交付自己，去成就別人」。
香港聖公會教省主教長陳謳明亦發表聖誕文告，話雖然社會仍面對唔少未解決嘅矛盾、民生及經濟問題，呼籲大家由自己做起，以信心、盼望、愛心去善待自己同他人，亦希望官商民可以攜手合作，共建和平、正義、繁榮、安定嘅社會。佢又話，現時世界最缺乏喜樂、和平同希望，希望大家「看闊一點」。
更多港聞
【明報專訊】中大香港亞太研究所調查市民對「粵港澳大灣區發展規劃」嘅意見，問受訪者如果有機會，會唔會到大灣區工作或生活，11月底至12月初嘅調...
詳情
相關新聞
