【Emily】調查：八成人不會到灣區工作生活 增25百分點
[2022.12.24] 發表
【明報專訊】中大香港亞太研究所調查市民對「粵港澳大灣區發展規劃」嘅意見，問受訪者如果有機會，會唔會到大灣區工作或生活，11月底至12月初嘅調查顯示，79%受訪者表示「不會」，較2021年7月同類調查增加近25個百分點。至於表示「會」嘅就有10.1%，下跌21個百分點。
民調亦問受訪者會唔會鼓勵香港青年去大灣區城市發展，62.7%話唔會，19.1%話會，有4.2%就認為要視乎情况而定。
民調喺11月23日至12月9日晚上進行，打電話訪問703個年滿18歲嘅市民。
港對海外創科人才吸引力 逾六成人感小
政府話要搶人才，喺香港對海外創科人才嘅吸引力方面，調查發現65.8%受訪者認為香港嘅吸引力「頗小」及「非常小」，而15.4%受訪者則認為「頗大」及「非常大」。另有18.8%受訪者答「不知道／很難說」。
喺香港對內地創科人才吸引力方面，38.4%受訪者認為吸引力「頗小」或者「非常小」，42.9%認為「頗大」或「非常大」。另有18.6%受訪者答「不知道／很難說」。
更多港聞
相關新聞
