【Emily】民主思路籌款宴 賣枱最貴30萬 稱冇議席難吸金 湯家驊：籌得幾多得幾多囉
[2022.12.02] 發表
【明報專訊】唔少政團都會搞籌款晚宴，由行政會議成員湯家驊(圖)創立嘅智庫民主思路，過往都搞過慈善籌款首映禮，當時仲有邀請政府官員出席㖭。Emily聽聞，民主思路嚟緊會喺出年年初舉辦籌款晚宴，會邀請埋特首李家超出席，𠵱家向商界及團體發出邀請，問佢哋會唔會買枱贊助，聞說開價10萬至30萬元不等。湯家驊同Emily講，希望今次有新嘗試，籌得幾多得幾多咁話喎。
湯家驊同Emily呻，話因為民主思路唔係政黨，而且又冇議席，所以本身籌錢都幾困難。至於點解今次會轉搞晚宴？佢就解釋話，過去兩年因為新冠疫情，所以都睇唔到戲，直至最近戲院先放寬番，而且又搵唔到合適嘅戲，再加上首映優先場其實籌唔到好多錢，所以先試下搞晚宴，睇下情况會點。
多咗員工 一年運作使300萬
被問到有冇籌款目標，湯家驊直認「冇㗎，籌得幾多得幾多囉」，亦透露近年因為請多咗員工，做多咗工作，所以民主思路一年運作使費都要差唔多300萬，由於冇參加選舉，所以籌得嚟嘅款項都會用喺運作上，「捱得過明年至算囉」。至於詳情係點，佢就話唔想過早透露，想低調去做，驚高調得滯會嚇走人喎。
更多港聞
【Emily】換唔切衫悼江澤民 李梓敬：好遲收通知
【明報專訊】前國家主席江澤民日前病逝，中聯辦喺辦公樓內設靈堂，接受香港各界弔唁。噚日下晝先後有政界到場弔唁，好多人都著深色或黑色西裝、套裝出... 詳情
【Emily】知柯創盛「唔唱K」 柯媽悉破電騙
【明報專訊】「猜猜我是誰」騙案日增，觀塘區議會主席民建聯柯創盛（柯仔）噚日出席秀茂坪警區「全民反詐騙宣傳日」，提到媽媽都差啲成為受害人。柯仔... 詳情
【Emily】「撐你㗎」 自殺者親友製Sticker勉同路人
【明報專訊】面對摯親自殺，親友痛苦莫名。兩位曾經歷親友輕生嘅有心人，創作輕鬆嘅卡通畫作，製成10幅WhatsApp動態貼圖（Sticker）... 詳情
【明報專訊】今個月有兩場選舉，包括立法會補選以及港區人大代表選舉。噚日教聯會搞咗個見面會，安排一批教育界及創科界選委到場，同6名參加立法會補...
詳情
相關新聞
