【Emily】去啟田邨長者屋 阿彪芷珊姐姐派米
[2022.10.14] 發表
【明報專訊】工聯會立法會議員鄧家彪同藝人黎芷珊(芷珊姐姐)前日帶埋一包包米，去咗觀塘啟田邨長者屋，探一班80至96歲嘅獨居長者，阿彪話本身唔識芷珊姐姐㗎，但有從事娛樂製作又合作開嘅朋友介紹，於是今次多個「星級」嘉賓一齊探訪。阿彪希望防疫措施可以再適度放寬，咁就可以去埋安老院舍探訪，畀啲關心同歡樂住院舍嘅老人家。
啟田邨係第一代長者屋，一個公屋單位有3間長者房，大家要共用廚廁，24小時由舍監負責看顧呢班獨居長者，後來因為效果唔理想，房委會已停建長者屋，之後改埋運作模式，𠵱家只有17個長者住，阿彪慨嘆，啟田邨可能係第一代長者屋嘅最後示範。早排房署仲通知，計劃取消舍監服務，阿彪話好彩事件引起社會關注，𠵱家問題已經見到曙光。
更多港聞
【明報專訊】教育局自2003年舉辦「我的行動承諾」價值觀教育推廣活動，2019年起以「感恩珍惜．積極樂觀」為主題，本學年起新增3個副主題，包...
詳情
相關新聞
