【Emily】九社聯辦義工隊 服務社群宣揚習思想
[2022.10.14] 發表
【明報專訊】特首李家超下星期三公布《施政報告》，早前有消息話政府或者會喺當日公布設立18區關愛隊嘅安排，喺疫情、風災等支援政府嘅地區工作。噚日九龍社團聯會舉行「愛心前行在觀塘」義工服務揭幕禮，設5類服務大使。九社聯觀塘地區委員會主任黃春平話，計劃已招募逾百義工，會繼續招募，佢強調設立義工隊同政府嘅關愛隊無關，今次只希望可以更有系統去組織義工服務。至於政府將設立嘅關愛隊，黃春平就話九社聯會積極參與，又話佢哋有一定地區網絡同服務經驗，未來亦有足夠人手同優勢應付「關愛隊」工作。
話無關政府關愛隊 會積極參與
九社聯設立嘅5類服務大使，包括：「習思港益大使」負責喺社區宣傳國家主席習近平思想等；「社區陪診大使」將以觀塘西為試點提供免費陪診服務；「姿彩友您大使」會同婦女團體合作，為新來港婦女同兒童舉行各項活動；「觀悠遊大使」負責人物訪談同義工服務計劃；「家居維修大使」幫有需要嘅人維修小家電、清潔家居等。
更多港聞
【Emily】去啟田邨長者屋 阿彪芷珊姐姐派米
【明報專訊】工聯會立法會議員鄧家彪同藝人黎芷珊（芷珊姐姐）前日帶埋一包包米，去咗觀塘啟田邨長者屋，探一班80至96歲嘅獨居長者，阿彪話本身唔... 詳情
【明報專訊】教育局自2003年舉辦「我的行動承諾」價值觀教育推廣活動，2019年起以「感恩珍惜．積極樂觀」為主題，本學年起新增3個副主題，包...
詳情
相關新聞
