【Emily】紅姑訪喵坊 讚良心企業 稱政府政策落後 靠民間推動
[2022.10.04] 發表
【明報專訊】紙包飲品盒回收商「喵坊Mil Mill」(喵坊)不獲科技園公司續租，向來關注環保嘅影星鍾楚紅(紅姑)，上周五去咗喵坊參觀，自言感觸良多，話喵坊係本地唯一可以處理紙包飲品盒嘅回收廠，處理回收價值較低嘅紙包飲品盒，紓緩咗廢物問題，係履行社會責任嘅良心企業，單係呢個理由就足以令香港政府去支持。
紅姑話以前市民環保意識唔高，連BYOB都要呼籲，但時至今日，好多香港人都自備購物袋，可惜政府政策步伐依然緩慢同非常落後，往往要民間團體同個人苦苦推動。
喵坊發文謝網民 「命運與港緊扣」
科技園公司上星期四公布，喵坊今年底租約屆滿後可續租半年，形容係「最終方案」。喵坊噚日喺社交媒體以「艱險未忘志，長繫香港情」為題發文，話好多朋友笑佢哋儍，不惜工本做無金錢回報嘅事，但喵坊相信，清潔回收就係為社會創造踏出第一步嘅勇氣。喵坊多謝網民留言，又話喵坊嘅命運早與香港緊扣，喵坊始終不捨，又話若果喵坊倒閉，希望大家唔好放棄，因為源頭減廢係初心，亦希望係大家嘅終點。
更多港聞
【Emily】foodpanda伙WWF推重用餐盒計劃
【明報專訊】疫情掀外賣熱潮，產生大量即棄餐具。外賣平台foodpanda同世界自然基金會香港分會（WWF）合作，推出可重用餐具回收先導計劃，... 詳情
【Emily】巡房委商場公廁 顏汶羽批監管不力
【明報專訊】人有三急去公廁，遇到個污糟邋遢、設備不全嘅都幾濕滯。民建聯九龍東立法會議員顏汶羽上個月喺區內做調查，睇咗9個房委會轄下嘅商場公廁... 詳情
【明報專訊】2019年反修例運動期間喺尖沙嘴警署外被射傷眼球嘅女仔「K」，去年底已經移居加拿大。近日有自稱係「K」嘅人喺網上上載短片講自己生...
詳情
相關新聞
