【Emily】陳勇倡立會設華服日 著華服開會 倡東江縱隊事蹟拍電影 「比Top Gun勁」
[2022.10.01] 發表
【明報專訊】民建聯噚日公布《認識國家發展 講好中國及中國香港故事》倡議書，該黨立法會議員陳勇(圖)提出多項創意提議，包括立法會喺農曆新年前夕舉行「華服日」，「大家著住華服開會，可以揀唔同省市，體現代表性」。佢又話可以將日佔時期東江縱隊嘅事蹟拍成電影，「拍出嚟比Top Gun(《壯志凌雲》)仲勁！」
陳勇建議政府可善用本港嘅抗日戰爭遺址同事蹟推廣愛國教育，「游擊隊好多事例可以拍成電影，拍出嚟比Top Gun仲勁，例如營救美軍飛行員、破壞日軍侵略工作、搜集情報」。
佢又促請政府善用多媒體平台推動愛國教育，例如「抖音」，又可以同內地一齊購入世界盃、奧運等大型國際運動比賽嘅轉播權，提升國民意識。
其他倡議仲有成立「中華文化推廣局」，增加中國近代史喺初中中史科嘅比重等。
更多港聞
【明報專訊】噪音惹人心煩，仲可能影響健康，環保署近年引入「便攜式聲學相機」，早前喺處理一宗投訴時迅速搵到噪音源頭，開頭以為係嚟自投訴人對面大...
詳情
【Emily】萬朵玫瑰賀國慶 鄧炳強：青年係國家未來
【明報專訊】「新家園協會」同香港、廣州、澳門合共50多個團體噚日合辦《萬朵玫瑰賀國慶暨多元文化青年音樂會》，慶祝國慶，保安局長鄧炳強（台上右... 詳情相關新聞
