【Emily】不可降解膠刀、叉、匙 澳門明年起禁進口
[2022.09.06] 發表
【明報專訊】即棄塑膠濫用成災，近年世界多地積極回應，訂立禁用各種即棄塑膠用具嘅措施和時間表。澳門政府噚日宣布，明年1月1日起，會進一步禁止進口不可降解嘅即棄塑膠刀、叉及匙，係今年禁止進口及轉運不可降解嘅飲管同攪拌棒後，再次收緊「走塑」措施。
澳門特區政府話，經綜合分析澳門實際情况及參考其他地區經驗，據《對外貿易法》規定，通過行政長官批示，禁止不可降解即棄塑膠刀、叉、匙進口。有關行政長官批示2023年1月1日起生效。
澳門近年積極推行走塑措施，反觀香港，政府建議最快2025年先至分階段管制即棄膠餐具，環團就話太慢。綠惜地球環境倡議總監朱漢強就話，澳門明年禁止入口嘅係不可降解塑膠餐具，但現時市面好多聲稱可降解嘅餐具，其實都混有塑膠，需於特定環境下例如高溫度、高濕度先至可以分解，若無特定設施配合，最後都係會變成微膠粒，認為澳門政府推行走塑措施原意雖好，不過擔心解決唔到問題，反而製造更多問題。
更多港聞
【Emily】水上掛明月 佐敦谷、啟德辦「河道活化」綵燈會
【明報專訊】周六係中秋節，康文署聽日至下周一（7至12日）舉辦壬寅年中秋綵燈展，多組綵燈將於3個場地（維多利亞公園、東涌文東路公園、大埔海濱... 詳情
【Emily】月尾會展潮州節 有「一蚊魚蛋」同「雲旅遊」
【明報專訊】香港人口約730萬，當中有100多萬潮州人。香港潮屬社團總會今個月22日起，一連5日喺會展搞「香港潮州節」，全場有130多個攤位... 詳情
相關新聞
