【Emily】嘆失田少周太後更面目全非 飛嫂批新一輩自由黨人「唔太尊重人」
[2022.08.29] 發表
【明報專訊】自由黨中委會早排通過取消榮譽主席，其中3名有份創黨嘅榮譽主席田北俊、周梁淑怡及劉健儀會前高調宣布退黨，周太並批評自由黨獨行獨斷。已故自由黨創黨主席李鵬飛嘅太太「飛嫂」(圖)，同一班自由黨早期成員相識多時，Emily聽聞飛嫂近日向相熟朋友發信息，提到飛哥離開自由黨後，個黨已經變質，指田少同周太都繼續走自由黨嘅路向，𠵱家佢兩個退黨，個黨就更加已經唔係以前嘅自由黨。佢話田少同周太行出嚟，畀人印象就係代表自由黨，又指現任黨魁張宇人就算叻到飛起，「佢個樣都冇人信服佢係自由黨」。
話心底仍支持 但自由黨已名存實亡
飛嫂同Emily講，佢仍不時同田少、周太互通信息聯絡，今次退黨事件雖然唔關佢事，但見飛哥離開自由黨後，田少一直出錢出力撐住個黨，但田少無做主席後，新一輩似乎唔多尊重上一輩主席，今次更加「唔係幾尊重人」，指新一輩自由黨人好自私，唔係為咗黨，「如果飛哥見到實激死，見唔到都可能係佢福氣」。對於丈夫一手創辦嘅自由黨，飛嫂同Emily講，心底仍然支持，但指自由黨已「無自由」，名存實亡，同飛哥創黨時嘅理念已完全唔同。
更多港聞
【Emily】地區服務處30周年 麥美娟「返娘家」 出席工聯圖片展
【明報專訊】民政及青年事務局長麥美娟噚日喺facebook發文，提到自己「返娘家」，出席工聯會名為「砥礪奮進三十載」嘅圖片展。麥美娟話，工聯... 詳情
【Emily】科大舞台工作坊 學成可演藝中心實踐
【明報專訊】香港科技大學予人感覺多做科研及工商科，其實校方近年都有推動藝術文化，好似去年11月就有一個全新音樂及藝術表演嘅場地「逸夫演藝中心... 詳情
【Emily】將晤李家超 星副總理訪港出席帶路論壇
【明報專訊】新加坡政府噚日公布，新加坡副總理兼經濟政策統籌部長王瑞杰（圖）噚日抵港訪問4日，其間會同特首李家超、政務司長陳國基、創新科技及工... 詳情
【Emily】卸任後遇兩難忘 聶德權同月染疫兼「炒車」
【明報專訊】公務員事務局前局長聶德權（Patrick）卸任後，一直未見其最新動向，噚日佢終於喺facebook「現身」，提到今個月中開始，先... 詳情
【Emily】「港漂」嚴剛：多幾個議員講普通話 可推動文化交流
【明報專訊】新一屆立法會有幾個講普通話嘅議員，包括商界（第三）嚴剛（圖）。50歲嘅嚴剛係「港漂」，香港回歸前已喺香港工作，有時都會喺立法會講... 詳情相關新聞
