【Emily】將晤李家超 星副總理訪港出席帶路論壇

[2022.08.29] 發表

【明報專訊】新加坡政府噚日公布，新加坡副總理兼經濟政策統籌部長王瑞杰(圖)噚日抵港訪問4日，其間會同特首李家超、政務司長陳國基、創新科技及工業局長孫東會面。王瑞杰周二會出席貿發局舉行嘅一帶一路高峰論壇，同場印尼、馬來西亞同泰國貿易部長據悉會視像出席。

Emily留意到，本來商經局長丘應樺會主持個別環節，但佢上周五初步確診新冠兼隔離，據衛生署指引或未完成隔離。咁安排會唔會有變、局長會否視像出席？商經局回覆查詢時話到時會有合適安排。

論壇議程又顯示，國務院副總理韓正禮拜二會先後發表開幕演講，及「合作共建新里程」分論壇致辭，據Emily了解，韓正都係視像致辭。至於今次有幾多新加坡同內地政府隨行人員獲豁免檢疫，商經局話唔透露詳情，只重申政府可根據法例，豁免符合條件嘅人到港建議要求，政策局會按個別情况嚴格審核。

更多港聞

【明報專訊】公務員事務局前局長聶德權（Patrick）卸任後，一直未見其最新動向，噚日佢終於喺facebook「現身」，提到今個月中開始，先... 詳情

【明報專訊】新一屆立法會有幾個講普通話嘅議員，包括商界（第三）嚴剛（圖）。50歲嘅嚴剛係「港漂」，香港回歸前已喺香港工作，有時都會喺立法會講... 詳情