【Emily】容海恩陳家珮阿女就快做同學
[2022.08.27] 發表
【明報專訊】新民黨立法會議員陳家珮同容海恩喺網上節目「新民大講場」大談「媽咪經」，原來容海恩大女同陳家珮細女係同年出世，嚟緊仲會讀同一間幼稚園。容海恩提到，由於工作太忙，自己通常夜晚9點後先返屋企，小朋友已經瞓咗，除咗視頻就好少時間見面。陳家珮話，阿女同大仔一樣會揀讀下晝班，希望可以多啲相處時間，仲提出車埋容海恩個女返學。
兩人仲提到做父母嘅憂慮，要喺小朋友出世前就諗定讀咩學校。政府統計處上月公布，舊年香港出生率係1991年以來最低，容海恩話可以理解，夫婦唔生仔唔一定係錢嘅問題，而係好多憂慮。陳家珮亦同意，話香港小朋友其實「文武雙全」又醒目，香港亦有充足資源，但要思考點樣令子女有愉快嘅童年。
更多港聞
【明報專訊】港台顧問委員會主席林大輝噚日獲政府續委任兩年，至2024年8月底，特首李家超仲委任多3名新成員，包括香港青年聯會前主席兼公民教育...
詳情
【明報專訊】特首李家超依據《太平紳士條例》所賦予嘅權力，再委任6個官員做太平紳士，包括創新科技及工業局副局長張曼莉、保安局副局長卓孝業、醫務...
詳情
相關新聞
