【Emily】林大輝續任港台顧委會主席
[2022.08.27] 發表
【明報專訊】港台顧問委員會主席林大輝噚日獲政府續委任兩年，至2024年8月底，特首李家超仲委任多3名新成員，包括香港青年聯會前主席兼公民教育委員會主席蔡德昇、京港學術交流中心總監兼觀塘區前區議員徐海山，同埋青年發展委員會委員冼漢廸，可以話或多或少都有青年工作背景，連同9名獲續任嘅成員，新一屆委員會任期下月1日生效。
將離任嘅3名成員包括工程師關寶珍、恒地執董黃浩明，同埋中大工程學院副院長黃錦輝。商經局長丘應樺感謝港台顧委會協助港台履行《香港電台約章》訂明嘅公共目的同使命。
林大輝前年接替陳建強出任港台顧委會主席，在任期間港台發生咗好幾宗爭議事件，包括唔同港台助理節目主任利君雅續約、曾主持《頭條新聞》嘅曾志豪被解僱、多個時事節目嘅社交平台結束等。
更多港聞
【明報專訊】特首李家超依據《太平紳士條例》所賦予嘅權力，再委任6個官員做太平紳士，包括創新科技及工業局副局長張曼莉、保安局副局長卓孝業、醫務...
詳情
相關新聞
