【Emily】葛亮獲魯迅文學獎 港作家首人

[2022.08.26] 發表

【明報專訊】第八屆魯迅文學獎7個獎項噚日喺北京揭曉結果，香港作家葛亮(圖)憑作品《飛髮》(收錄喺中篇小說集《瓦貓》)贏得中篇小說獎，係第一個獲獎嘅香港作家。1978年出生嘅葛亮係南京人，分別喺南京大學同香港大學取得中文系學士同博士，現任香港浸會大學中文系副教授，著有《北鳶》、《朱雀》等小說。

內地文學雜誌《十月》介紹過，《飛髮》圍繞理髮行業同傳統，寫出傳統行業發展、從業者個人命運、歷史無常推進嘅真實又沉重嘅命題，作者嘅情感喺復活嘅城市光景中深刻呈現。

小說《飛髮》寫傳統行業發展

葛亮獲獎後話《飛髮》嘅故事喺香港發生，內容關於一群人對自己行業嘅信仰同堅守，亦都關注傳統與現代、歷史與代際等嘅問題。佢話感謝嶺南嘅開放、豐饒同包容，成為佢文學創作嘅泉源。

魯迅文學獎由中國作家協會舉辦，每4年評選一次。2014年版嘅評選標準顯示，獲獎作品應有利倡導愛國主義、集體主義、社會主義嘅思想同精神。

更多港聞

【明報專訊】下個月10號就係中秋節，工聯會立法會議員黃國前日同15個議辦義工，一齊親手製作手工月餅，將會喺周末送畀土瓜灣嘅長者同劏房戶。黃國... 詳情

【明報專訊】幾個立法會議員同政界人士早前「轉跑道」加入政府，由於部分人辭任或唔可以兼任選委，選舉事務處最新公布選委人數少咗7個，去到1443... 詳情

【明報專訊】政府噚日宣布委任選委會界別議員梁毓偉擔任青年發展委員會副主席，接替獲委任為民青局副局長嘅梁宏正，任期至明年3月。梁毓偉話十分榮幸... 詳情