【Emily】選委界議員梁毓偉任青發會副主席
[2022.08.26] 發表
【明報專訊】政府噚日宣布委任選委會界別議員梁毓偉擔任青年發展委員會副主席，接替獲委任為民青局副局長嘅梁宏正，任期至明年3月。梁毓偉話十分榮幸，會同其他委員「拍住上」，接觸更多青年，了解佢哋嘅諗法，希望可以協助制訂同執行青年發展藍圖。
梁毓偉係全國青聯常委，亦曾參與香港官方青年事務諮詢組織7年。佢喺facebook話呢7年成長唔少，認識到更多青少年發展嘅需要。佢話最難忘係做青年暑期實習計劃嘅評審，一星期連續6日、朝9晚6「馬拉松」式面見有意參與實習計劃嘅機構。佢話每次都耗盡精神心力，因為希望可以揀選最適合嘅機構。
政務司長、青發會主席陳國基就話梁毓偉積極參與青年發展工作，擔任青發會委員期間提出唔少寶貴意見，貢獻良多，期待同佢一齊繼續推動青年發展。
更多港聞
相關新聞
