【Emily】軍用碼頭升旗賀「八一」 李家超fb致意
[2022.08.02] 發表
【明報專訊】噚日係中共解放軍「八一」建軍節，適逢中國人民解放軍建軍95周年紀念日，係繼今年1月30號駐港部隊趁新春於中區軍用碼頭舉行升國旗儀式向全國人民拜年後，再次喺軍用碼頭升起國旗。特首李家超亦喺facebook發文，話留意到駐港部隊首次喺中區軍用碼頭舉行建軍節升旗禮。
中區軍用碼頭2020年9月由港府移交畀駐港部隊，其時李家超為保安局長，佢話移交碼頭對佢意義深遠，過程中克服咗唔少障礙，有幸見證歷史時刻，令佢感到無比驕傲。佢又感謝駐港部隊默默守護香港，係特區繁榮穩定嘅堅實後盾，佢向人民解放軍致以最崇高敬意，以及向駐港部隊致以最由衷嘅感謝。
碼頭移交經過一番爭議同民間反對，最終順利移交，駐港部隊當時話會依法使用管理碼頭，仲會喺防務安排允許嘅條件下，開放番部分碼頭畀市民通行。
更多港聞
【Emily】《東張》前主持黃穎君 民政局調職文體局
【明報專訊】Emily近日翻閱政府電話簿，發現無綫節目《東張西望》前主持黃穎君（圖）已經由民政事務局調職到新設嘅文化體育及旅遊局，職位同為媒... 詳情
【Emily】與染疫子竹篙灣慶生 張欣宇由忐忑到有得着
【明報專訊】「香港新方向」新界北立法會議員張欣宇（Gary）育有3子女，7歲大仔上周確診新冠病毒，佢陪阿仔入住竹篙灣隔離，噚日係第四日。Ga... 詳情
相關新聞
