【Emily】林超英教USB風扇製造氣流降溫
[2022.08.02] 發表
【明報專訊】近日天氣持續酷熱，一直主張唔開冷氣嘅天文台前台長林超英，噚日喺社交媒體分享點樣利用風扇製造氣流，改善室內悶熱，佢話只需要花數十元喺鴨寮街買一部USB風扇，就可以將鮮風抽入屋內，達到降溫效果。
林超英上載一幅手畫圖，解釋點樣製造氣流，佢話概念分為抽風入屋、引氣流入屋內、抽風出外三部分。抽風可以用低耗電嘅USB風扇或循環扇，甚至用風扇都可以，關鍵係放喺入風口不遠處，將外來空氣帶入屋，如果無嘅話，入氣口嘅空氣可能被出氣口嘅抽風機直接吹番出去，屋內就接收唔到新鮮空氣。
不過有唔少網民留言話，居所無抽氣同排氣位，甚至係無窗嘅劏房，難照辦煮碗；但亦有網民認同林超英嘅出發點係好嘅。天氣愈嚟愈熱，其中一個原因係氣候變化，環保機構「低碳相創坊」前日舉行「鹽田梓太陽能日」，透過導賞活動讓市民認識小島上嘅太陽能系統，從而關注氣候變化，支持可再生能源發展。
更多港聞
【Emily】與染疫子竹篙灣慶生 張欣宇由忐忑到有得着
【明報專訊】「香港新方向」新界北立法會議員張欣宇（Gary）育有3子女，7歲大仔上周確診新冠病毒，佢陪阿仔入住竹篙灣隔離，噚日係第四日。Ga... 詳情
相關新聞
