【Emily】獲太太提名 盧寵茂膺創新領軍獎
[2022.07.30] 發表
【明報專訊】團結香港基金噚日舉辦第三屆「香港創新領軍人物大獎」頒獎禮，醫務衛生局長盧寵茂係9名獲獎者之一，佢笑言自己堅持上台領獎，係因為太太盧彩雲係提名人，又話發展肝臟移植「on call唔止36」。佢形容自己由喺港大深圳醫院做「港深太空人」、到返香港做「健康秘書」，佢同太太講一周工作3日「昨天、明天、今天」，家人都默默支持，想同佢哋講聲「多謝」同「對唔住」。
團結香港基金認為盧擔任港大深圳醫院院長時，帶領醫院改革創新，成為廣東省最年輕嘅三甲醫院、首批高水平醫院，同國家公立醫院高質量發展試點醫院。盧寵茂話「醫療要進步，醫生就要革新、要創新」，所以佢致力為國家醫療改革作出貢獻。
評審團收到逾120份提名，係歷屆最多，評審團主席馮國經話大獎嘉許香港、內地及世界各地帶來創新貢獻嘅傑出人士，希望鼓勵港人勇於創新，敢於創業。
更多港聞
相關新聞
