【Emily】立會又漏水 梁君彥上「煲蓋」研究
[2022.07.20] 發表
【明報專訊】月初立法會舉行特首李家超上任後首場答問大會，Emily喺記者席聽緊會時，頭頂不時滴水。立法會主席梁君彥噚日話，原來立法會會議廳天花事隔多年再次出現漏水問題。佢同立法會秘書長陳維安早前就搵埋建築署人員，走上會議廳「煲蓋」研究情况。
玻璃白濛濛充滿濕氣 好似白內障
梁君彥解釋，由於早排雨量較多，係特首李家超7月6號答問會前一晚，會議廳天花開始漏水，影響部分官員同議員嘅座位；當日建築署同立法會秘書處扭盡六壬清理積水同防止雨水流入「煲蓋」頂，先避免到影響答問會。不過，隨之而來嘅問題就係畀公眾同學校參觀嘅三樓教育廊，玻璃充滿濕氣，一片白濛濛，向下望唔清會議廳，梁君彥形容好似有「白內障」咁。
建築署𠵱家趁立法會暑假休會全速搶修，梁君彥話希望唞暑期間可以搞掂，令會議廳唔再受漏水同「白內障」困擾。
更多港聞
【明報專訊】因民主派初選案正在還押嘅劉頴匡，讀緊都會大學嘅「語言與翻譯榮譽文學士」課程，佢嘅facebook噚日公布佢獄中修讀學位第一年嘅成...
詳情
【明報專訊】禮拜日晚落幕嘅「第40屆香港電影金像獎頒獎典禮」除咗台上星光璀璨外，原來台下都有靚聲「聲音導航」！金像獎今年首設現場口述影像服務...
詳情
【明報專訊】前任特首梁振英（CY）近日不時喺社交網站分享英國報道，點出當地民生、管治、教育、醫療問題，噚日佢喺facebook話「以其人之道...
詳情
相關新聞
