【Emily】老婆英護照無續期 CY話全家無外國籍
[2022.07.20] 發表
【明報專訊】前任特首梁振英(CY)近日不時喺社交網站分享英國報道，點出當地民生、管治、教育、醫療問題，噚日佢喺facebook話「以其人之道還治其人之身，是有效的」。佢又話自己從來無外國國籍，三個仔女亦從來都無，而太太唐青儀雖然幾十年前有英國護照，但1997年回歸之後就無用過。
CY又話，太太嘅英國護照無再續期，之後仲正式辦手續「撇清」，𠵱家一家五口都只係揸特區護照，並落咗個標籤「梁振英一家沒有外國國籍」。
經常質疑移英港人嘅CY話，護照同信用卡唔同，唔係邊張方便、有折頭、積分多就用邊張；話鋒一轉，佢質疑移英港人唔單止唔退還香港身分證，如果簽承諾書以後唔用香港醫療服務，都肯定唔願意。
佢又話，近期有份競逐英國首相嘅前財相辛偉誠同妻子被揭曾有美國綠卡，輿論側目，「香港某些人要學西方，先學學西方這種原則吧」。
更多港聞
相關新聞
