【Emily】區議員姚鈞豪明宣誓 話港已非講理地 無謂準備
[2022.05.31] 發表
【明報專訊】民政事務局去年分批為全體區議員宣誓，當時民主派大埔區議員姚鈞豪(圖)在囚而冇參與，當局曾經話安排佢喺獄中宣誓，但最後取消咗，姚成為目前唯一未宣誓嘅區議員。佢噚日喺facebook話，收到民政通知，周三會搞番「彈出又彈入嘅『宣誓』」，佢話唔會預計今次嘅結果，因為香港講證據或理據嘅年代已經過去，預計都無意思。
姚鈞豪同Emily講，宣誓嘅通知信，下款由署理民政事務局長陳積志發出，估計屆時由陳監誓，地點係灣仔修頓中心。佢話，既然香港已經唔係講理嘅地方，呢刻無謂有咩其他準備，但佢本身有好多社區計劃，希望遲啲可以用另一個身分搞番，但有啲辦事處嘅工作就未必可以繼續，好似實習生咁。佢話暫別嘅說話舊年講咗幾次，今次就唔再講。
佢又話，自己一日仲係民選議員，都會盡能力去完成大家喺2019年希望佢做到嘅嘢，即使唔得，希望大家都可以接力做落去，守住大家嘅社區，同埋香港。
更多港聞
【明報專訊】立法會選委會界別議員林智遠日前到將軍澳寶盈花園，趁端午節前夕向居民派發糉同水果等。事後有自稱屋苑居民喺林智遠facebook留言...
詳情
【明報專訊】勞福局長羅致光前日一篇題為「檢討法定最低工資水平公眾諮詢結束在即」網誌，就勞工界一直提倡嘅「一年一檢」，羅表明不可行，因要大量壓...
詳情
【Emily】庭上見支持者喊 阿尹囑小編照顧街坊
【明報專訊】第五波新冠疫情影響在囚者探訪安排，民主黨尹兆堅facebook小編今個月終於見番阿尹，噚日出帖更新阿尹最新情况，小編話佢睇嚟更「... 詳情
相關新聞
