【Emily】寄語政府 陳智思：勿寫市民冇興趣新聞稿
[2022.05.30] 發表
【明報專訊】政府點樣發放消息同爭取支持，一直係各地政府嘅重要課題。行政會議召集人陳智思噚日接受商台訪問時講到，全世界包括香港在內嘅好多地方政府都面對一個挑戰，就係好多人唔係從政府途徑收取信息，而係從社交媒體或通訊群組睇資訊，唔接受其他人嘅睇法，加劇互相不信任同對抗，增加推行政策嘅困難。
佢話，政府要有自己途徑，將政策嘅信息、背後目的、有關實施嘅信息發放，「其實政府一定有佢途徑，但人哋係唔係收佢呢個信息就係一個問題」，指出下屆政府唔可能再用傳統思維，要有創新思維，跳出傳統框框。
陳智思喺節目後補充，政府唔可以禁止市民透過社交媒體獲取信息，唯一可以做嘅係更主動同加強信息傳遞，下屆政府應該要思考傳遞非常簡單嘅信息，而唔係好似律師角度咁撰寫一啲市民冇興趣睇嘅新聞稿。
佢又話，2019年社會事件同新冠疫情對香港聲譽影響好大，下屆政府喺疫情平穩後需到海外推銷香港同重建聲譽，因為外界對香港嘅印象仍停留喺2019年，未必睇到社會已經平靜，仲有經濟發展嘅機遇。
更多港聞
【Emily】見習騎師學校50周年 「賽馬人才培訓中心」揭匾
【明報專訊】馬會噚日舉行賽馬人才培訓中心見習騎師學校牌匾揭幕儀式，由馬會主席陳南祿及行政總裁應家柏主持。適逢香港賽馬會見習騎師學校成立50周... 詳情
欺凌抑或「玩吓」 教大桌遊助反思 150生擬訪18校 引導初中生遊戲中領悟
【明報專訊】香港教育大學「蕊展計劃」開展為期兩年共融計劃，團隊設計名為「同理一班」的桌上遊戲，訓練約150名教大生，希望今年內到訪約18間中... 詳情
【明報專訊】數千至數百萬個微型機械人透過外部磁場控制，可在人體內集體輸送藥物至病灶，讓病人獲治療，然而過程不易控制。中文大學工程學院研究團隊...
詳情
【明報專訊】職業訓練局（VTC）、建造業議會和製衣業訓練局合辦首屆「全港青少年技能競賽」，前日舉辦開幕禮，來自15間中學的近70名中學生參與...
詳情
相關新聞
