【Emily】單獨囚禁 胡志偉獄中受洗 梁家傑路經立會嘆陌生 憶同路人神傷
[2022.05.26] 發表
【明報專訊】「35+初選案」被告、獲保釋嘅立法會前議員黃碧雲，噚日到荔枝角收押所探訪因為同案被還押嘅民主黨前主席胡志偉，另一前主席劉慧卿亦有同行。黃碧雲話，胡志偉已適應獄中生活，𠵱家單獨囚禁，日常有睇書同做運動。佢又提到胡志偉去年聖誕節喺獄中受洗，希望上主時刻與對方同在，成為安慰與力量。
公民黨主席梁家傑(傑哥)前日食飯後路經立法會，喺facebook話當年，感慨曾經熟悉嘅道路好陌生，話憶起當年同行嘅人更加黯然神傷，並祝福大家健康、踏實、平安。
傑哥曾任立法會議員12年，佢前日到灣仔藝術中心食晏後行去中環，途經立法會大樓、政府總部、橫跨夏愨道嘅行人天橋，佢都分別自拍留影，相中嘅佢神情嚴肅。佢喺facebook話，呢段路過去每日都會來回多次，𠵱家猛然發現變得好陌生。唔少網民都留言為傑哥打氣，叫佢要加油同保重，亦有網民話每次見到傑哥facebook嘅相片都覺得物是人非。
更多港聞
【明報專訊】繼中文大學政治與行政學系被合併掀起爭議，嶺南大學嘅政治學課程近日亦有啲動作。嶺大教務長前日以電郵向學生宣布，社會科學院主修科之一...
詳情
【Emily】煙花回歸迪士尼 《星夢光影之旅》下月登場
【明報專訊】2018年元旦夜，迪士尼樂園睡公主城堡上演完最後一次煙花匯演後，迪士尼一直都冇煙花睇，不過煙花匯演好快返嚟喇。迪士尼噚日公布，全... 詳情
【Emily】立會Running Man 議員相約周三會後跑
【明報專訊】噚日周三立法會如常開大會，議員邱達根、陸瀚民、鄭泳舜、陸頌雄、狄志遠、林素蔚6個跨黨派議員之後約埋跑步，邱達根上載佢同另外4個男... 詳情
【明報專訊】行政會議召集人陳智思噚日出席一個電台節目後，被問到會否留任行會時，佢話自己喺行會一段長時間，「差唔多每一位特首我都有參與過」，希...
詳情
相關新聞
