【Emily】嶺大「政治學」將改名「政府與國際事務學」 可選擇用舊名畢業 有學生話突然
[2022.05.26] 發表
【明報專訊】繼中文大學政治與行政學系被合併掀起爭議，嶺南大學嘅政治學課程近日亦有啲動作。嶺大教務長前日以電郵向學生宣布，社會科學院主修科之一嘅「政治學(Political Science)」，9月起會易名做「政府與國際事務學(Government and International Affairs)」，校方已拍板通過。受影響學生包括2019/20學年入學嘅一年級本科生，不過佢哋有權opt out(選擇豁免)，即沿用舊名畢業，相關方案6月公布。
Emily上大學聯招(JUPAS)網站，發現課程仍然稱為「社會科學(榮譽)學士—政治學」(JS7302)。但喺課程網站，就有提醒「政治學」改名一事，又話以POL字開頭嘅主修或副修科目名稱，日後會變成以GOV開頭。
讀緊嶺大政治學嘅Y同學(化名)質疑，校方係為咗避開「政治」呢啲敏感字眼而改名。佢話幾個同學都係收到電郵先知有件咁嘅事，唔明點解要咁快、咁突然改名。佢會向校方申請沿用舊名畢業，惟覺得影響在讀學生，呢個做法有啲奇怪。
內容不改 嶺大：教與學更能跨學科
嶺大回覆話，政治學系認為「政府與國際事務學」喺教與學方法上更能跨越學科，為學生提供更廣闊視野及更好研究方法，協助佢哋以後服務不同專業；是次改名涉及學系，以及學系轄下嘅本科和研究生課程名稱，課程內容無改動。
更多港聞
【Emily】煙花回歸迪士尼 《星夢光影之旅》下月登場
【明報專訊】2018年元旦夜，迪士尼樂園睡公主城堡上演完最後一次煙花匯演後，迪士尼一直都冇煙花睇，不過煙花匯演好快返嚟喇。迪士尼噚日公布，全... 詳情
【Emily】立會Running Man 議員相約周三會後跑
【明報專訊】噚日周三立法會如常開大會，議員邱達根、陸瀚民、鄭泳舜、陸頌雄、狄志遠、林素蔚6個跨黨派議員之後約埋跑步，邱達根上載佢同另外4個男... 詳情
【明報專訊】行政會議召集人陳智思噚日出席一個電台節目後，被問到會否留任行會時，佢話自己喺行會一段長時間，「差唔多每一位特首我都有參與過」，希...
詳情
【明報專訊】今年中學文憑試（DSE）已結束，約5萬名考生報考，有12人同日上、下午應考兩個不同科目。本報接獲教師投訴，稱其學生同日考音樂和中...
詳情
相關新聞
