【Emily】港鐵邀藝人YouTuber錄製《真的很興奮》 賀東鐵過海 羅生再開金口

鐵路迷羅先生再次穿起紅色T恤、米白色背囊同粉藍色八達通掛繩，為港鐵開金口錄製宣傳曲。（片段截圖）

【明報專訊】港鐵屯馬線舊年通車時，鐵路迷「羅先生」羅哲琛等候搭頭班車期間受訪，喺鏡頭面前獻唱自行改編嘅《屯馬開通真的很興奮》，一句一炮而紅，成為城中熱話。港鐵東鐵線過海段後日(15日)通車，港鐵特別邀請咗一眾藝人同YouTuber等錄製《真的很興奮》，仲拍埋MV，噚日就喺MTR Hong Kong YouTube頻道首播，片尾仲請嚟羅哲琛再開金口，獻唱呢首同樣改編自經典民謠《綠袖子》嘅宣傳曲。

壓軸登場 唔止唱一句

宣傳片長約兩分半鐘，港鐵邀請咗羽毛球選手謝影雪、歌手鄭融、藝人李司棋、楊偲泳、肥腸同YouTuber雞丁每人獻唱一節，個個又唱又跳，歌詞就講述東鐵線過海段通車後，可以便利乘客到紅館睇騷、方便學生到沿線大學返學，同埋去會展睇展覽等。

片尾鏡頭一轉，就見到熟悉嘅紅色T恤、米白色背囊同粉藍色八達通掛繩，原來港鐵請嚟一句而紅嘅鐵路迷羅哲琛壓軸登場，佢金口一開，徐徐唱出「紅磡接通港島超興奮，為搭首班車我唔願瞓，要有本尊見證才合襯」，屯馬開通時「很興奮」嘅畫面即刻返晒嚟。唔同嘅係，羅先生嘅歌喉似乎比一年前進步唔少。

更多港聞

【Emily】中大政政系舊生梁美芬：我覺得Government and Public Administration，老實講好過時

【明報專訊】本報噚日報道，中大政治與行政學系正就重組方案諮詢，研究同其他課程合併成新學院並改名。政政系多年嚟培育唔少立法會議員，1997年畢... 詳情

【Emily】家庭開心指數調查：每5個家庭有一個唔開心 每4個港人有一個唔開心

【明報專訊】和富社企「香港開心D」同埋李錦記家族基金，委託理大護理學院同東華學院團隊，喺今年3月21日至4月3日期間做「家庭開心指數調查」，... 詳情

【Emily】伊朗總領事館祝賀李家超獲……

【明報專訊】候任特首李家超當選，歐盟同七國集團（G7）等國家「柴台」，質疑違背民主原則等；另邊廂，同中國關係友好嘅伊朗，駐港總領事館前日就喺... 詳情

【Emily】碧雲續關注區務 倡油麻地戲院建停車場

【明報專訊】民主黨前立法會議員黃碧雲因民主派初選案被控，現時獲准保釋，仍然關心地區事務。立法會民政事務委員會前日討論油麻地戲院第二期建築工程... 詳情

【Emily】劉業強荔枝窩鋤田 鼓勵到此一遊

【明報專訊】新冠疫情下唔少市民趁假日郊遊，鄉議局主席劉業強日前就到荔枝窩，更喺村內農地攞起鋤頭翻土（圖）。 感激村民義工努力復耕 ... 詳情