【Emily】自稱「半個傳媒人」 肥胡：你唔犯法無嘢驚㗎
[2022.05.12] 發表
【明報專訊】全國政協常委、華昇診斷中心董事長胡定旭，噚日接受民主黨前主席劉慧卿嘅網台節目《議會內外》訪問，傾到新聞自由，肥胡話新聞自由要有法律依歸，「個法律喺度啦，你唔犯法無嘢驚㗎」。佢舉例話自己有主持節目，都係「半個傳媒人」，最近亦曾批評政府嘅航班熔斷機制，「我照講呀」。
胡定旭係候任特首李家超競選辦嘅主席團成員，佢解釋，「以結果為目標」唔係不擇手段，而係簡化程序，例如覓地建屋可合併部分諮詢程序。佢認為，李家超紀律部隊出身，相信李做事一定跟足程序，又相信李會勤力地籌組新班子，能夠令人眼前一亮。
對於社會撕裂嚴重，胡定旭認為社會各方嘅溝通重要，提到即使同劉慧卿有唔同意見，大家相識幾十年都有交流，並相信李家超為人願意溝通，亦肯聽意見。
更多港聞
【Emily】懷舊小食再推郵票 「一張兩件」5．26開售
【明報專訊】香港郵政舊年以「香港懷舊小食」為題，推出印有魚蛋、煎釀三寶等嘅特別郵票，大受歡迎，噚日佢哋宣布，今年再發行懷舊小食主題特色郵票同... 詳情
3科合併 中大政政面臨重組 立新學院「減重疊內容」 學生憂削敏感科目
【明報專訊】1970年創立的中大政治與行政學系（下稱政政）面臨重組。社會科學院成立的跨學科課程委員會，就檢討提交進度報告及展開諮詢，點名指政... 詳情
【明報專訊】城市大學人文社會科學院轄下的公共政策學系、亞洲及國際學系將會合併，8月起重新命名為「公共及國際事務」學系。被問合併後的改動、教學...
詳情
相關新聞
