【Emily】母疫下冇工開 冇錢交學習費 11歲結他少年橋底賣藝惹熱議
[2022.04.14] 發表
【明報專訊】平日人來人往嘅灣仔鵝頸橋底，充斥「打小人」同埋鬧市嘈雜聲，不過近日就有一個男仔彈住結他喺橋底席地而坐，身旁擺咗張紙寫上「交學費」。有途人影咗相擺上facebook「香港組band區」群組，話少年名叫Angus，今年11歲，因疫下單親媽媽冇工開，所以冇錢交結他學費，帖文一夜間瘋傳。
多人到場支持 有人塞錢
Emily噚日見Angus下晝1點半現身，當時已有唔少網民、幾個結他導師話希望支持佢，10多名記者在場；其間有人上前將錢塞畀Angus，但佢冇收。群情洶湧下，出帖者鍾先生幫忙協調，其後將Angus帶走咗。
任教結他逾10年嘅黃先生話，日前見到帖文，認為Angus對古典結他好有興趣，疫情下願意表演同分享音樂，令人好感動，噚日特登去支持，「只是萍水相逢都好，好想幫呢個小朋友；想佢知道好多人支持佢、想畀正能量佢」。黃先生話學古典結他有考級制度，學費唔平，佢亦有唔少學生表示疫下難交學費。
早兩日路過聽到Angus彈結他嘅何女士，形容佢彈得唔錯，「喺條街咁做，唔係個個小朋友都受得到別人嘅眼光。雖然值得幫，但其他小朋友效法就唔好，一來影響學業，仲有安全問題」。
至下晝約3點半鍾先生獨自折返交代事件，話冇諗過出帖後吸引到咁多傳媒採訪，亦代Angus轉達唔受訪住喇，但兩母子感恩有大家關心。佢亦補充，Angus之前由媽媽陪同喺街上賣藝，想表演，順道掙學費。
更多港聞
【Emily】律師議員學水務 民協黃虹銘：幫街坊
【明報專訊】民協屯門區議員黃虹銘（Ian），日前同民協前主席施德來、署理主席楊彧等，一齊去民協職訓中心學習家居水務。Emily向Ian了解，... 詳情
【明報專訊】香港人口老化，長者重投勞動市場有時唔容易，咖啡店「BEANS Coffee」噚日喺facebook發文，推出「老友記計劃2022...
詳情
【Emily】被指赴美深造後「變了樣」 楊健興反駁 斥「屈得就屈」
【明報專訊】建制派作者屈穎妍日前喺報章撰文點名質疑，被捕獲釋嘅前「立場新聞」博客區家麟同記協前主席楊健興先後到美國深造後「變了樣」。楊健興日... 詳情
【明報專訊】法國大選首輪投票鬥得難分難解，爭取連任嘅總統馬克龍（Emmanuel Macron）雖然喺一眾候選人中得票率最高，有27.8%，...
詳情
相關新聞
